ထိုင်းနိုင်ငံရောက် မြန်မာလုပ်သားများအတွက် ပတ်စပို့သက်တမ်းတိုးပေးမည့် Data Collection Center ယာယီစင်တာတစ်ခုကို ထိုင်းနိုင်ငံ၊ စမုစခွန်ခရိုင်တွင်ဖွင့်လှစ်ရန် ၂၀၁၉ ခုနှစ်၊ မတ်လ (၅)ရက်နေ့၌ ထိုင်းအစိုးရအဖွဲ့က သဘောတူလိုက်ပြီကြောင်း သိရသည်။

အဆိုပါစင်တာဖွင့်လှစ်ခွင့်ပြုလိုက်ခြင်းမှာ ထိုင်းနိုင်ငံရောက် မြန်မာလုပ်သားများအနေဖြင့် အလုပ်လုပ်ကိုင်ခွင့် အတွက် အလွယ်တကူ သက်တမ်းတိုးနိုင်ရန်အပြင် ထိုင်းအလုပ်ရှင်များကိုလည်း အထောက်အကူဖြစ်စေရန် ရည်ရွယ်သည်ဟု သိရသည်။

“ဥပမာဆိုရရင် MOU နဲ့ အလုပ်လုပ်နေတဲ့ မြန်မာလုပ်သား (၁၄၀၂၅၆)ဦးဟာ ဒီနှစ်မှာ စာချုပ်သက်တမ်း (၄)နှစ်ပြည့်ကြတော့မယ်ဆိုတော့ မြန်မာနိုင်ငံကိုပြန်ပြီး ပတ်စ်ပို့သက်တမ်းသွားတိုးကြရတော့မယ်။ ဒါ့အပြင် ဒါတွေပြီးစီးလို့ ပြန်လာနိုင်ဖို့ဆို တစ်လလောက် သူတို့စောင့်ကြရမယ်။ ဒါပေမဲ့ ဒီလိုစင်တာဖွင့်လိုက်ရင် မြန်မာလုပ်သားတွေအနေနဲ့ ပြန်စရာမလိုဘဲ ဒီမှာပဲ သက်တမ်းတိုးတာ လုပ်လို့ရသွားမယ်”ဟု ဝန်ကြီးချုပ်ရုံး အကြံပေးဖြစ်သူ နတ်သ်ဖွန်ချတ်စရိဖိတခ်က ဆိုသည်။

ထိုင်းနိုင်ငံရှိ မြန်မာလုပ်သားများအနက် ၂၀၁၂ – ၂၀၁၃ ခုနှစ်တွင် ထုတ်ပေးခဲ့သော ယာယီနိုင်ငံကူး လက်မှတ် ( ခရမ်းရောင်ပတ်စ်ပို့ )များ၊ CI စာအုပ်များမှ ပတ်စ်ပို့အကြီး

ပြောင်းလဲလျှောက်ထားလိုသူများ၊ MOU စနစ်ဖြင့် လာရောက်ပြီး (၄) နှစ်ပြည့်၍  စာအုပ်အသစ် ထပ်မံသက်တမ်းတိုး လျှောက်ထားခြင်း လုပ်ငန်းများကို ပြုလုပ်ပေးနိုင်ရန် Data Collection Center ဖွင့်လှစ်ပေးနိုင်ရေး နှစ်နိုင်ငံ ညှိနှိုင်းဆောင်ရွက်လျှက်ရှိရာ ထိုင်းနိုင်ငံဘက်မှ သဘောတူညီမှုအချို့ရထားပြီးဖြစ်ကြောင်း ၂၀၁၈ ခုနှစ်၊ ဒီဇင်ဘာလ (၁၂) ရက်နေ့တွင် ထိုင်းနိုင်ငံရှိ အလုပ်သမားသံအရာရှိရုံးက ထုတ်ပြန်အသိပေးထားခြင်းဖြစ်သည်။

Data Collection Center ဖွင့်လှစ်ပြီးပါက ၂၀၁၃ ခုနှစ်၌ ထုတ်ပေးထားသည့် ခရမ်းရောင်စာအုပ်ဖြင့် ထိုင်းနိုင်ငံအတွင်း တရားဝင်နေထိုင် အလုပ်လုပ်ကိုင်ခွင့်ရရှိထားသူများ သက်တမ်းတိုးရန်၊ PJ စာအုပ် အကြီး ထပ်မံထုတ်ယူရန်၊ အလုပ်လုပ်ကိုင်ခွင့်သက်တမ်းတိုးရန်နှင့်  ၂၀၁၇ ခုနှစ်မှ ၂၀၁၈ ခုနှစ် အထိ ထုတ်ပေးခဲ့သော CI စာအုပ်များအား PJ စာအုပ်အကြီး လျှောက်ထားခြင်း ၊ ၂၀၁၅ ခုနှစ်မှစ၍ MOU စနစ်ဖြင့်လာရောက်ပြီး (၄) နှစ်ပြည့်၍ MOU စနစ်ဖြင့် ဆက်လက် အလုပ်လုပ်ကိုင်ကြမည့်သူများအနေဖြင့် စာအုပ်သက်တမ်းတိုးရန်နှင့် စာချုပ်ပြန်ချုပ်ရန်အတွက်  Data Collection Center တွင် Passport ကြိုတင်လျှောက်ထားခြင်းများ လုပ်ဆောင်နိုင်မည်ဖြစ်ကြောင်း သိရသည်။

လက်ရှိတွင် ထိုင်းနိုင်ငံတွင်းရှိ မြန်မာလုပ်သားများအများစုမှာ နိုင်ငံကူးစာအုပ်သက်တမ်း (၁)နှစ်ခန့်သာ ကျန်တော့သဖြင့် ထိုင်းနိုင်ငံတွင် အလုပ်လုပ်ခွင့်သက်တမ်းထပ်တိုးရန် နိုင်ငံကူးလက်မှတ်သစ် ထပ်မံပြုလုပ်ကြရတော့မည်ဖြစ်ကြောင်း သိရသည်။

Tachileik News Agency