အနိမ့်ဆုံး လုပ်ခလစာကို ၇၂၀၀ ကျပ် တောင်းဆိုနိုင်ရန် အနည်းဆုံး အခကြေးငွေသတ်မှတ်ရေးဆိုင်ရာ အမျိုးသား ကော် မတီတွင် တင်ပြသွားမည်ဖြစ်ကြောင်း မြန်မာနိုင်ငံလုံး ဆိုင်ရာ အလုပ်သမား သမဂ္ဂအဖွဲ့ချုပ် (CTUM) က သိရသည်။   

အလုပ်ချိန် ၈ နာရီတွင် ၁ နာရီ လုပ်အားခ ၉၀၀ ကျပ်နှုန်းထားသည် CTUM အဖွဲ့မှ ကောက်ယူထားသည်။ စစ်တမ်း အပေါ် တွင် အခြေခံခြင်းဖြစ်ပြီး အခြား အလုပ်သမား အရေး ဆောင်ရွက်နေသည့် အဖွဲ့များ ကောက်ယူရရှိသည့် နှုန်းထားများနှင့် လည်း ဆွေးနွေးမှုများ ပြုလုပ်သွားမည် ဖြစ်ကြောင်း အနည်းဆုံး အခကြေးငွေ သတ်မှတ်ရေးဆိုင်ရာ အမျိုးသား ကော်မတီ ဝင်၊ CTUM ဗဟို ကော်မတီဝင်လည်း ဖြစ်သူ  ဦးဝင်းဇော်က ပြောသည်။

ဦးဝင်းဇော် က “ဘုံသဘောတူညီချက်ကို ဆွေးနွေးရဦးမှာပေါ့။ အလုပ်သမား အနေအထားအရ ၇၂၀၀ ကတော့ တောင်းဆိုမယ်ပေါ့။ ကျနော်တို့ အခု ကောက်ထားတဲ့ ၇၂၀၀ က တကယ့်နိုင်ငံတွေနဲ့ ယှဉ်မယ်ဆိုရင် လုံလောက်တဲ့ အနေအထား မဟုတ် သေးဘူးပေါ့။ သို့သော် ဒီ ၇၂၀၀ သည်သင့်တင့်မျှတတဲ့ နှုန်းထား တခုတော့ ဖြစ်တယ်” ဟု ဆိုသည်။

အထည်ချုပ် အလုပ်သမ တဦး ဖြစ်သည့် မနန်းခင်မွှေး က “ဆန်တောင် အနိမ့်ဆုံးတပြည် ၁၆၀၀ လောက် ရှိတယ်။ ဟင်း စား တင်၂၀၀၀ ဖိုးကုန်တယ်။ ဆီစား၊ ကြက်သွန် မပါသေးဘူး။ကလေးမုန့် ဖိုးနဲ့ဆို ၃၅၀၀၊ ၄၀၀၀ ဖြစ်နေပြီ။ ၁ ရက်ကို ၇၀၀၀ လောက် အနည်းလေးကုန်တယ်။ အိမ်ငှားခတွေ ဘာတွေ မပါသေး။ အိမ်ငှားခ ၅ သောင်း၊ မီးဖိုးက ၅ ထောင် ကျော်တယ်” ဟု ဆိုသည်။

နိုဝင်ဘာလ ၃၀ ရက်တွင် အင်းလျားလိတ်၌ ကျင်းပမည့် ဖိုရမ်တွင်မှ ဘုံသတ်မှတ်ချက်ဖြင့် စစ်တမ်း ကောက်ယူရမည့် ပုံစံ ကို ဆွေးနွေးမည် ဖြစ်သဖြင့် အနိမ့်ဆုံး လုပ်ခလစာနှင့်ပတ်သက်ပြီး ယင်းစစ်တမ်း ကောက်ယူပြီးမှသာ ပြောကြားနိုင်မည် ဖြစ်ကြောင်း မြန်မာနိုင်ငံ စက်မှုလက်မှုနှင့် ဝန်ဆောင်မှု လုပ်ငန်းပေါင်းစုံ အလုပ်သမား သမဂ္ဂများအဖွဲ့ချုပ် (MICS) အထွေ ထွေ အတွင်းရေးမှူး ကိုသက်နှင်းအောင် ပြောသည်။

အချက်အလက်နှင့်ဓာတ်ပုံအတွက်ကျေးဇူးတင်ပါသည် : The Irrawaddy Burmese, English Cambodia daily