၃၁-၃-၂၀၂၀ ရက်နေ့တွင် ဗီဇာသက်တမ်းကုန်ဆုံးမည့် နိုင်ငံခြားလုပ်သား ၃ နိုင်ငံသားကို အလုပ်ခန့် ခန့်ထားသည့်အလုပ်ရှင်/အလုပ်ရုံ များအားအမြန်ဆုံးသက်တမ်းတိုးထားကြရန် အလုပ်သမားရှာဖွေရေးဦးစီးဌာန ညွှန်ကြားရေးမှူးချုပ် မစ္စတာ စူချာ့ ဖော်ချိုင်ဝိစစ်ကူ မှ  တိုက်တွန်းထားသည်။ သက်တမ်းကုန်ခါနီးအချိန်ကျမှ တပြိုင်တည်းလာရောက်သက်တမ်းတိုးလျင် အလှေမမီဘဲ နောက်ကျသွားနိုင်သည်ဟု ထပ်မံသတိပေးထားသည်။

အလုပ်ရှင်မှလုပ်ဆောင်ရမည့် သက်တမ်းတိုးခြင်းလုပ်ငန်းစဉ်များ 

၁။ အလုပ်ရှင်သည် လုပ်ငန်းတည်ရှိရာ ခရိုင်အလုပ်သမားရှာဖွေရေးရုံး သို့မဟုတ် ဘန်ကောက်နယ်မြေအလုပ်သမားရှာဖွေရေးရုံးတွင် အလုပ်သမားအမည်စာရင်း (Name List) တင်ရမည်။ 

၂။ မိမိအလုပ်သမားအား ဆေးရုံးတွင်ကျန်းမာရေးစစ်ဆေးစေရမည်။ လူမှုဖူလုံရေးအာမခံ (ပရကန်စန်းခွမ်) ထားရှိသည့်အလုပ်သမားသည် မိမိရွေးချယ်ထားသည့်ဆေးရုံတွင်သွားရောက်စစ်ဆေးရမည်။ လူမှုဖူလုံရေး အာမခံထားရှိခြင်းမရှိသည့်လုပ်သားသည် ကျန်းမာရေးဝန်ကြီးဌာနမှ သတ်မှတ်ထားသည့်ဆေးရုံတွင်သွားရောက်စစ်ဆေးရမည်။ (လူမှုဖူလုံရေးအာမခံကာလ ၂ နှစ်၊ ၃,၀၀၀ ဘတ်)

**လူမှုဖူလုံရေးအာမခံထားရှိခြင်းမရှိသေးသည့်လုပ်သားသည် ကျန်းမာရေးအာမခံ ၃ လပြုလုပ်ထားရမည်။ နှုန်းထား ၅၀၀ မှ ၁,၀၀၀ ဘတ်**  

၃။ လုပ်သားသည် လူဝင်မှုကြီးကြပ်ရေးရုံး (တောမော) တွင် အောက်ပါအထောက်အထားများနှင့်တကွ နေထိုင်ခွင့်ဗီဇာ လျှောက်ထားရမည်။  

၃.၁  အလုပ်သမားအမည်စာရင်း (Name List)

၃.၂ ဆေးလက်မှတ်

၎။ အလုပ်သမားအမည်စာရင်း(Namelist) တင်ထားသည့်ရုံးတွင် အလုပ်လုပ်ကိုင်ခွင့်လက်မှတ်လျှောက်ထားရမည်။ (ကျဲ့ခေါက်) 

၅။ လုပ်သားသည် တိုင်းမှတ်ပုံတင်ရုံး၊ ခရိုင်ရုံးခွဲ တွင် ကိုယ်ရေးရာဇ၀င်အချက်အလက်များပြင်ဆင်ခြင်းနှင့်တကွ နောက်ကျောဘက်တွင် အလုပ်လုပ်ခွင့်လက်မှတ်ပါရှိသည့် ပန်းရောင်ဘတ်ကတ်ကို သွားရောက်ပြုလုပ်ရမည်။ ဘန်ကောက်ရှိလုပ်သားများသည် မြို့နယ်ရုံးအသီးသီးတွင် သွားရောက်ပြုလုပ်ရမည်။  

အလုပ်ရှင်/အလုပ်ရုံသည် လုပ်ငန်းတည်ရှိရာ ခရိုင်အလုပ်သမားရှာဖွေရေးရုံး သို့မဟုတ် ဘန်ကောက်နယ်မြေအလုပ်သမားရှာဖွေရေးရုံးတွင် အလုပ်ခန့်ထားသည့်အချက်အလက်များ မှန်ကန်မှုရှိ,မရှိ ဦးစွာစစ်ဆေးရန်တိုက်တွန်းထားသည်။ စစ်ဆေးချက်အရ အလုပ်သမားအ၀င်-အထွက်ရှိပါက သူဌေးပြောင်းခြင်းပြုလုပ်ရန် (ကျဲ့ခေါက်-ကျဲ့အော်) နှင့် အချက်အလက်မတွေ့ရှိပါက မှန်မှန်ကန်ကန်ဖြစ်အောင် ဆောင်ရွက်ထားကြရန် အကြံပြုထားသည်။  

အချက်အလက်နှင့်ဓါတ်ပုံများအတွက်ကျေးဇူးတင်ပါသည် : Department of Emplotment Thailand